ඊයේ දේශීය වෛද්‍ය ක්‍රමයේ විප්ලවීය පරිවර්තනයක් කරා ගමන් කළ දිනයකි.

දේශීය වෙදකම ජාත්‍යන්තරය වෙත රැගෙන යාමේ අරමුණ පෙරදැරිව දේශීය වෛද්‍ය ක්ෂේත්‍රයේ පර්යේෂණාත්මක ප්‍රකාශන සහිත ආයුර්වේද සමීක්ෂා ශාස්ත්‍රීය ග්‍රන්ථය එළි දැක්වීමත්, බටහිර රටවල් විසින් ලබා ගෙන තිබූ දේශීය අනන්‍යතාවයක් සහිත ශාක වල ක්‍රියාකාරී ඖෂධ සංයෝග වල අයිතිය යළි අප රටට ලබා ගැනීමේ අරමුණින් ආයුර්වේද ඖෂධ සංග්‍රහය ඩිජිටල්කරණය කර වෙබ් අඩවියක් මගින් එළි දැක්වීමත් ඊයේ (10) දින ගරු අග්‍රාමාත්‍යතුමන්ගේ සුරතින් අරලියගහ මන්දිරයේදී සිදු කෙරිණ.

එමෙන්ම අපගේ පාරම්පරික වෙදකමත් ආයුර්වේද වෙදකමත් ජාත්‍යන්තරය වෙත ඩිජිටල්කරණය තුළින් සමීප කරලීම වෙනුවෙන් “වෙදවරු” ජංගම දුරකථන යෙදවුම එළි දැක්වීමද සිදු කෙරිණ. පාරම්පරික, ආයුර්වේද, සිද්ධ, යුනානි, හෝමියෝපති, චීන කටුචිකිත්සා වෛද්‍යවරු වෙනුවෙන්ම නිර්මාණය කරන ලද ලංකාවේ එකම ජංගම දුරකථන යෙදවුම ලෙස මෙය හඳුන්වා දිය හැක. ලොව කුමන ස්ථානයක සිටියත් එම පුද්ගලයා හට “වෙදවරු” ජංගම දුරකථන යෙදවුම හරහා තම රෝගයට අදාළ වෛද්‍යවරයා චැනල් කිරීමේ පහසුකම හිමිවන අතර, වෛද්‍යවරුන් වෙනුවෙන් නිර්මාණය කළ ජංගම දුරකතන යෙදවුම හරහා ඔවුන්ගේ වෛද්‍ය මධ්‍යස්ථානය හෝ රෝහලේ සියලු කටයුතු ඩිජිටත් තාක්ෂණය යටතේ පවත්වාගෙන යාමේ හැකියාව හිමිවේ.

“වෙදවරු” යෙදවුම තුළින් ඉදිරියේදී විදේශ සංචාරකයින් මෙරටට ආකර්ශණය කරගැනීමේ හැකියාවත්, අපගේ පාරම්පරික වෙදකමටත්, ආයුර්වේද වෙදකමටත් තාක්ෂණය තුළින් නව මංපෙත් විවර කරලීමේ හැකියාවත් උදා කරලනු ඇත.

“වෙදවරු” යෙදවුම එක Download කර ගැනීම සඳහා පහත සබැඳියෙන්,